ROXAS CITY – Kritikal ang isa ka merchandiser nga lalaki kag padayon naman nga ginabulong ang kaupod sini nga backrider sa ospital matapos nga ginaalegar na-aksidente sa ginamaneho sini nga motorsiklo sa Hughes Street, Roxas City.
Ginkilala ang mga biktima nga si Willard Saquebal sang Barangay Dulangan, Pilar, Capiz kag Maria Haila Dorado sang Bangbang Street, sining siyudad.
Base sa inisyal nga imbestigasyon sang Roxas City Police Station nga naggikan ang mga biktima sa isa ka 24/7 store sa Arnaldo Boulevard sining siyudad kag papuli na kuntani sang aksidente na lamang nga nasanggit sang motorsiklo sang mga biktima ang motorsiklo nga ginamaneho naman sang 16-anyos nga menor de edad.
Bangud diri, natumba ang motorsiklo rason nga nag-angkon sang madamo nga mga pilas sa lawas ang mga biktima nga gilayon naman nga gindala sa ospital agud dapatan sang nagakaigo sa pagbulong.
Nahibaluan nga yara sa idalom sang impluwensya sang makahulubog nga ilimnon ang mga biktima sang natabo ang aksidente.
