Nagapabilin sa kustodiya sang Jamindan Municipal Police Station ang duha ka lalaki nga nadakpan matapos nga ginserbihan sang warrant of arrest sang mga otoridad sa Barangay Poblacion, Jamindan, Capiz.
Ang wala na ginhingadlan nga mga akusado ang yara sa legal nga pang-edaron kag ginakabig nga Wanted Person sa banwa sang Jamindan.
Nagapangatubang ang mga ini sa kaso nga Murder kun sa diin, ang warrant of arrest ang gin-issue kag ginpermahan ni Hon. Judith D. Orendain-Tonogbanua, Presiding Judge of RTC Branch 20, Mambusao, Capiz, napetsahan Enero 14, 2025.
Wala naman sang may ginrekomendar nga piyansa ang korte para sa temporaryo nga kahilwayan sang mga ini.
Nahibaluan nga madinalag-on nga nadakpan ang mga akusado sa ginkasa nga operasyon sang Jamindan PNP nga ginpangunahan ni PCPT Peter John D. Celino.
Sa karon, yara ang mga akusado sa paghinakop sang Jamindan MPS kag natalana nga i-turnover sa court of origin para sa nagakaigo nga disposisyon.
