-- ADVERTISEMENT --
ROXAS CITY – Padayon nga ginabulong sa ospital ang isa ka 20-anyos nga driver sang motorsiklo matapos nga ginaalegar naaksidente sa Barangay Pawa, Panay, Capiz.
Base sa inisyal nga imbestigasyon nga gikan ang biktima nga si Rodel Victoriano sa isa ka birthday party kaupod ang iya nga pakaisa kag papuli na kuntani sang nag-overtake ini sa motorsiklo nga ginamaneho man sang iya nga pakaisa.
Bangud diri, natumba ang motorsiklo rason nga nag-angkon ini sang pilas sa magkatuhay nga parte sang iya lawas.
Gilayon naman nga gindala sa ospital ang biktima agud dapatan sang nagakaigo nga pagbulong.
Ginapahayag nga yara sa idalom sang impluwensya sang makahulubog nga ilimnon ang biktima sang natabo ang aksidente.
-- ADVERTISEMENT --
