ROXAS CITY – Nagbaton sang tig-P15,000 nga financial aid ang 201 tanan ka mga rice retailers sa probinsya sang Capiz.
Ini ang ginpahayag ni Ken Queenie Cuñada, Department of Trade and Industry (DTI) Capiz Provincial Director sang mainterview sang Bombo Radyo.
Una nga nagbaton ang 29 ka mga rice retailers kag 172 naman sa second batch.
Suno diri, may pipila ka mga retailers ang wala nahatagan sang ayuda bangud sa kakulangan sang dokumento kun sa diin pagahatagan ini sang tubtob na lang sa Lunes agud makumpleto ang dokumento antes ang pagtakop sang tagtaganay.
Ginklaro ni Cuñada, nga ang mga nagbaton nga retailers ang nakapasa sa validation sang DTI kag nagabaligya sang regular milled kag well-milled rice santo sa ginpatuman nga price cap.
Pahayag sini, indi kwalipikado kun ang ginabaligya lamang ang isa sa mga nasambit nga local rice.
Samtang, gina-verify pa sang ahensya ang mga sari-sari store nga nagabaligya sang bugas para sa ila P5,000 nga financial aid.
Ang nasambit nga financial aid, ang bulig sang gobyerno sa mga rice retailers nga apektado sa ginapatuman nga price cap sa bug-os nga pungsod.
