ROXAS CITY – Naglab-ot sa P34, 581, 727.56 ang nakolekta nga income sang Teodoro Arcenas Trade Center (TATC) para sa tuig 2023.
Suno kay Mrs. Heloise Mendoza, administrador sang TATC apisar nagapadayon ang renovation sang merkado kag may pipila ka mga displaced vendors ang temporaryo nga nadulaan sang stalls bangud sa konstraksyon, ila sa gihapon nalampuwasan ang income collection sang 2022 nga yara sa P34,537,942.18, mas mataas sang P43,785.38.
Magluwas pa diri ang uncollected nga 30 stalls sa Bagsakan Center and Annex Building, 46 stalls sa Phase 3 kag 4 ka kiosk.
Ini ang pamatuod nga amat-amat na nga naga-umwad ang syudad sang Roxas kag pagpaayo sa serbisyo sang TATC.
Pahayag pa ni Mendoza nga indi ini malab-ot sang TATC kun indi bangud sa pagpanikasog ni Roxas City Mayor Ronnie Dadivas nga mapanami ang merkado kag wala tupong nga serbisyo sang mga empleyado.
Kaangut diri, ginapangabay ni Mendoza ang mga vendors nga mangin responsable nga pumuluyo sang syudad kag atipanon ang merkado pinaagi sa paghimus kag pagsunod sang ila basura.
