ROXAS CITY – Temporaryo nga ginhold sang mga katapo sang Barangay Officials sang Barangay Punta Cogon, Roxas City ang 21 ka mga persona bangud sa ginapahayag iligal nga pagdungka sa ila barangay.
Sa interview sang Bombo Radyo kay Bryan Derder, residente sang Balud, Masbate, ginpahayag sini nga maga-agi lang kuntani sila diri sa Roxas bangud sa probinsya sang Iloilo ang ila destinasyon agud magbaligya sang ila skin care products.
Dugang pa sini, nga wala sila makahibalo nga indi sila sa port magadungka bangud nag-arkila lang ang mga ini sang sakayan.
Ginpahayag man sini nga mga fully vaccinated na sila nga mga pasahero.
Sa interview naman sang Bombo Radyo kay Barangay Kagawad Pastor Aguilos, ginsiling sini nga samtang nagapangape ini kaina sang aga sang nadiparahan niya ang sakayan nga nagdungka sa ila baybayon sakay ang 21 ka mga persona.
Sa iya pag-usisa sa mga pasahero, ginsiling man nila nga wala sila makahibalo nga indi sila sa port magadungka bangud nag-arkila lang ang mga ini sang sakayan.
Bangud sini, ginpalab-ot sang opisyal sa pinuno sang City Disaster Risk Reduction and Management Office (CDRRMO) kag nagpakig-angut naman ang ahensya sa mga katapo sang PCG-Capiz, para sa nagakaigo nga disposisyon.
