Patay ang 22-anyos nga caretaker matapos nga ginaalegar naghikog pinaagi sa pag-inom sang herbicide Barangay Angub Cuartero, Capiz.
Sandig sa inisyal nga imbestigasyon sang Cuartero Municipal Police Station, nasapwan na lamang ni Porferio Dersales ang bangkay sang biktima nga nagapungko sa payag kag nagapanimaho sang herbicide.
Mahibaluan nga nag-inom pa ang biktima upod ang iya nga bayaw sang gab-e antes nasapwan ang iya nga bangkay.
Narekober sang mga kapulisan ang isa ka litro sang herbicide nga ginapatihan gin-inom sang biktima.
Ginpahayag naman sang tag-iya sang plantasyon nga nakasugid pa ang nasambit nga biktima sa iya natuhoy sa problema sini sa paghigugma.
Samtang nagapadayon pa ang imbestigasyon sang mga kapulisan agud matul-id kun may yara sang foul play sa kamatayon sang biktima.
