23-anyos nga babayi nagpa-blotter sa pulisya matapos nga ginaalegar ginpahog sang binangon

ROXAS CITY – Nagreklamo sa Roxas City PNP ang isa ka 23-anyos nga babayi matapos nga ginaalegar ginpahog sang binangon sa Barangay Libas, Roxas City.

Ginkilala ang tagreklamo nga si Je-Ann Alisasis 23-anyos sang nasambit nga lugar.

Sandig sa ginpabalhag sang tagreklamo nga samtang yara ini sa guwa sang ila nga balay hinali na lamang nga nag-abot nga akig kag yara sa idalom sang impluwensya sang makahulubog nga ilimnon si Giovanni Rollan 45-anyos sang amo man nga lugar.

Ginaalegar sang tagreklamo nga ginpahog ini sang suspek nga may dala sang binangon.

Bangud diri, tuman naman ang kahadlok sang tagreklamo kag ginpakamaayo na lamang sini nga iparekord sa pulisya ang insidente.