Roxas City – Nag-angkon sang pilas sa nawong, liog kag dughan ang isa ka 23 anyos nga persona matapos nga ginaalegar ginsumbag sa sulod sang iya salakyan sa Malipayon Street, Barangay Tiza Roxas City.
Ginkilala ang biktima nga si Adan Daria Jr., 23 anyos sang Isagani Street, Pontevedra, Capiz.
Ginaalegar sang biktima nga samtang naga-fil-up ini sang form sa sulod sang iya salakyan hinali na lamang nga may nagpundo nga salakyan sa iya unahan kag hinali na lamang nagpanaug ang driver kag nagpanuktuk sa bintana sang biktima.
Gilayon naman ginbuksan sang biktima ang pirtahan sang iya salakyan kag madasig nga nagsulod ang suspek nga si Joshua Bermejo, 23 anyos sang Panay kag hinali ginsumbag ang biktima.
Bangud diri, ginpakamaayo na lamang ni Daria nga ipa-rekord sa pulisya ang insidente.
