ROXAS CITY – Dakop sa ginkasa nga drug buy-bust operation ang isa ka 24-anyos nga lalaki sa Sitio Redland, Brgy. Pob. Elizalde banwa sang President Roxas.
Ginkilala ang nadakpan kay Brian Miguel Estores residente sang nasambit nga lugar.
Narekober sa posisyon ni Estores ang 9 ka sachet sang ginapatihan shabu nga ginabulubanta nagabug-at sang 10 tubtob 15 gramos, buy-bust money nga P5,000 kag 1 coin purse.
Ginabulubanta naman nga yara sa mas o menus P70,000 ang street value sang kwarta ang nakumpiskar sa nasambit nga suspetsado.
Mahibaluan nga anay drug surrenderee na sa ila barangay si Estores kag nalakip sa regional target-list sang Philippine Drug Enforcement Agency (PDEA).
Sa karun, natalana na ini nga pasakaan sang kaso nga paglapas sa R.A 9165 ukon Comprehensive Dangerous Drugs Act of 2022.
