26-anyos nga lalaki patay matapos bumunggo ang ginamaneho nga motorsiklo sa concrete road barrier sa banwa sang Pilar

PILAR, CAPIZ– Patay ang isa ka promodiser matapos nagbunggo ang ginamaneho nga motorsiklo sa concrete road barrier sa Barangay San Fernando, Pilar, Capiz.

Ginkilala ang biktima kay Christian Horario, 26-anyos sang Barangay Calapawan, Panay, Capiz.

Suno kay Police Corporal Jaypee Tumogda, imbestigador sang Pilar MPS nga nagikan sa banwa sang Carles ang biktima sakay sa iya motorsiklo kag padulong sa syudad sang Roxas.

Ginpahayag ni Tumogda nga napiyungan ang amo nga biktima samtang nagamaneho sang iya motorsiklo.

Bangud diri, nagkadto sa pihak nga linya ang amo nga motorsiklo kag bumunggo sa concrete road barrier.

Samtang, gilayon nga gindala sa Bailan District Hospital apang gindeklarar nga dead on arrival sang attending physician.