26-anyos nga persona nga nadakpan sa akto sang mga kapulisan nga nagakolekta sang bayad kag nagapataya sang ‘bookies’ ginpasakaan na sang kaso

ROXAS CITY – Ginpasakaan na sang kaso nga paglapas sa Presidential Decree 1602 ukon Anti Illegal Gambling Act ang 26-anyos nga persona matapos nadakpan sa akto sang mga kapulisan nga nagakolekta sang bayad kag nagapataya sang ‘bookies’ sa Barangay Poblacion Ilawod, Dumarao, Capiz.

Ginkilala ang suspek kay Dennis Baniabo sang Barangay Duyoc, Dao, Capiz.

Base sa imbestigasyon nga nadakpan sa akto sang mga kapulisan ang suspek nga nagapangolekta sang bayad sa ila ilegal nga aktibidad.

Bangud diri, gilayon nga gin-aresto sang mga kapulisan ang nasambit nga suspek.

Sa karon, nakahunong na sa karsel sang Dumarao PNP ang suspek.