3 ka mga kalakinhan dakup nga nagabaligya sang mga endangered species sa Estancia,Iloilo

ROXAS CITY – Dakop ang tatlo ka mga persona nga ginaalegar ilegal nga nagabaligya sang mga endangered species sa Estancia, Iloilo.

Ginkilala ang mga arestado nga sanday Jomar Punay 25-anyos, Rodulfo Buying Jr., 24-anyos kag Ariel Casiva 43-anyos lunsay mga residente sang nasambit nga lugar.

Narekober sa posesyon sang mga arestado ang isa ka sea dragon, sea horse, sea cucumber, tally sheet, ballpen kag 3 mil pesos nga marked money.

Samtang, nakahunong na karon sa karsel sang Estancia PNP ang mga suspek kag natalana nga pasakaan sang nagakaigo nga panumbongon.