ROXAS CITY – Totally burned ang tatlo ka mga puluy-an matapos ginaalegar ginhungod nga sunugon sang isa ka lalaki sa Barangay Cogon, sini nga syudad.
Sa impormasyon nga nakuha sang Bombo Radyo, ang mga nasambit nga panimalay ang ginapanag-iyahan sang mag-amay nga sanday Jaime Casador, Jessica Casador kag Oliver Casador.
Suno kay Kaycee Lara, nakit-an sini nga nagasindi sang kalayo si Oliver sa ila nga puluy-an.
Apang, ginkakibot nalang sini nga nagdaba-daba na ang puluy-an sang mag-amay.Ginapahayag nga bangud sa kaakig ni Oliver sa iya asawa nga halin pa wala pa ini nakapauli.
Suno kay SFO1 Arnel Custodio, Arson Investigator sang BFP-Capiz, indi pa matumod ang kamatuoran kun ano bala ang gintunaan sang amu nga sunog.
Sa karon, nagapdayon pa ang imbestigasyon sang katapo sang BFP angut sa insidente.
