DAO, CAPIZ – Nag-angkon sang mga gasgas ang tatlo ka mga salakyan sa natabo nga aksidente sa dalanon sa Barangay Balucuan, Dao, Capiz.
Base sa nakuha nga impormasyon sang Bombo Radyo sa Dao Municipal Police Station, nadulaan sang kontrol sa manubela si Johnrey Jaca, 28 anyos sang Barangay Buntoc, Lambunao sa ginamaneho sini nga trak.
Bangud diri bumunggo ang trak sa Isuzu Wagon nga salakyan sa unahan sini nga ginamaneho ni Salvador Facto Jr., 38 anyos sang Barangay Traciano, Dumarao.
Bumunggo naman ang ginamaneho nga salakyan ni Facto sa Isuzu Wing-Van nga salakyan nga ginamaneho naman ni Rio Upod, 38 anyos sang Barangay Mianay, Ivisan.
Maswerte nga wala sang napilasan nga persona sa amo nga insidente kag nasamaran lamang ang nasambit nga mga salakyan.
