Nagalaum si Vice President kag outgoing Education Secretary Sara Duterte nga makabulig ang 3 semana nga National Learning Camp (NLC) sa 2,183,327 nga estudyante halin sa Grade 1 tubtob Grade 3 kag Grade 7 tubtob Grade 10.
Ang learning camp ang kabahin sang istratehiya sang DepEd agud mahatag ang learning crisis sa Pilipinas, kaupod na ang ‘learning loss’ sa panyempo sang pandemya.
Suno kay VP Sara, sabat man ini sang ahensya sa manubo nga performance sang mga estudyante sa National Achievement Test (NAT) kag iban pa nga International Large-Scale Assessments (ILSAs), kasubong sang Programme for International Student Assessments (PISA), kag ang Southeast Asia Primary Learning Metrics (SEA-PLM).
Partikular naman nga ginatutukan diri ang performance sang mga estudyante sa Reading, English, Mathematics, kag Science.
Ang National Learning Camp subong nga tuig nga ang una nga nagsugod sadtong Hulyo 1 ang magapadayon tubto Hulyo 19, nga kun sa diin kalakip diri ang 185,759 learning camp teacher-volunteers.
Sang nakaligad nga tuig ang nagdangat sa lima ka semana subong nga tuig bangud sa adjustment sang school calendar nga kun sa diin mas timprano magasugod ang klase nga nakatalana na sa Hulyo 29.
