ROXAS CITY – Pilason ang tatlo ka magpakaisa kag isa nila ka abyan matapos bun-on sang suspek sa guwa sang binaylihan sa Sitio Burao, Barangay Sinabsaban, Cuartero, Capiz.
Lunsay nag-angkon sang pilas sa kamot ang magpakaisa nga sanday Generose de la Torre, Genalyn de la Torre, kag Joseph de la Torre.
Samtang madalum nga pilas sa likod ang naangkon sang abyan nila nga si Jomer de Saico matapos ini ang una nga ginpalapitan sang suspek nga si Jason Durana.
Nagaguwa sa imbestigasyon sang Cuartero PNP nga nasal-an lamang si de Saico sang suspek nga ini ang iya nakaaway sa sulod sang binaylihan rason nga iya ginbantayan ang pagpauli sang biktima.
Apang nadalahig lamang ang tatlo ka magpakaisa bangud ila gintuyo nga buligan ang ila abyan nga wala sang kasal-anan.
