31 anyos nga engineer pilason matapos bumunggo sa barrier kag kahoy ang ginamaneho sini nga salakyan sa Maayon

MAAYON, CAPIZ – Padayon nga ginabulong sa ospital ang 31-anyos nga engineer matapos nga aksidente nga bumunggo sa barrier kag puno sang kahoy ang ginamaneho sini nga salakyan sa Barangay Indayagan, Maayon, Capiz.

Sandig sa imbestigasyon sang Maayon Municipal Police Station, ginasubay sang biktima nga ginkilala nga si Ryan Valderama residente sang Barangay Ilaya-Ivisan, Ivisan, Capiz ang dalan sang hinali nga nadulaan sang kontrol sa iya nga manubela kag bumunggo ang ginamaneho nga salakyan sa barrier kag puno sang kahoy.

Nakaangkon sang pilas sa magkatuhay nga porsyon sang kalawasan ang biktima nga gindala sa ospital.

Namutikan nga yara sa idalom sang impluwensya sang makahulubog nga ilimnon si Valderama sang natabo ang aksidente.