ROXAS CITY – Pilason ang isa ka 32-anyos nga lalaki matapos nga natumba ang tricycle nga ginamaneho sa national highway sa Brgy. Salocon banwa sang Panitan.
Ginkilala ang biktima nga si Garry Delmindo, residente sang Brgy. Conciencia sa nasambit nga banwa.
Sandig sa imbestigasyon sang Panitan Municipal Police Station, nga samtang ginasubay sang biktima ang dalanon nagikan sa ila puluy-an padulong sa syudad sang Roxas, aksidente ini nga nadulaan sang kontrol sa pagmaneho kag nahulog sa gina-construct nga karsada.
Bangud sa natabo, nag-angkon sang kapilasan sa magkatuhay nga parte sang kalawasan ang biktima nga ginpadangat naman sang mga rescuers sa Bailan District Hospital para sa pagbulong.
Ginkustodiya naman sang Panitan PNP ang motosiklo nga lakip sang nasambit nga insidente para sa nagakaigo nga disposisyon.
