ROXAS CITY – Nagparekord sa Roxas City Police Station ang 33 anyos nga lalaki matapos ginaalegar ginbuno sa Barangay Baybay, Roxas City.
Ginkilala ang biktima nga si Radjan Arancillo, residente sang Sitio Nipa, Barangay Culasi.
Suno sa biktima nga nagamaneho siya sang tricycle para kuntani magbakal sang ice apang namutikan sini nga ginasundan siya sang mga suspek nga sakay man sa tricycle.
Sang nagpanaog sa iya tricycle ang biktima, diri kag ginaalegar ginpalapitan siya nanday Marjie Valenzuela kag Juan Valenzuela Jr. kag ginbuno gamit ang wala matumod nga butang.
Maswerte nga nakalikaw ang biktima apang nadaplisan ini sa iya likod.
Bangud diri nagpangayo sang bulig sa mga barangay tanod ang biktima apang wala na naabtan pa ang mga ginatudlo suspek.
Ginpakamaayo na lamang sang biktima nga iparekord sa pulisya ang natabo.
