-- ADVERTISEMENT --
ROXAS CITY – Nagparekord sa Roxas City Police Station ang isa ka 36-anyos nga barangay tanod matapos nga ginaalegar ginhangkat ini sang dumugay sa Barangay Lawaan, Roxas City.
Ginkilala ang tagreklamo nga si Cherry Colona sang nasambit nga lugar.
Sandig sa ginpabalhag sang tagreklamo nga samtang nagapatigayon sila sang roving sa lugar, nakita nila ang isa ka babaye nga si Genalyn Patricio sa diin nagatindog ini sa tunga sang karsada.
Bangud diri, ginhambalan ini sang mga tanod nga magpauli na lamang sa ila balay apang sa baylo nga magsunod ginaalegar sang tagreklamo nga wala ini nagpati kag ginhangkat pa sila sang away.
Kasunod sini, ginpakamaayo na lamang sang tagreklamo nga iparekord sa pulisya ang insidente.
-- ADVERTISEMENT --
