Arestado ang isa ka babayi matapos ginserbihan sang warrant of arrest sang mga kapulisan Sitio Hinagdanan, West Villaflores, Maayon, Capiz.
Ginkilala ang akusado kay alyas “Elva”, residente man sang nasambit nga barangay.
Sa impormasyon nga nakuha sang Bombo Radyo, ginpahayag nga kaso nga paglapas sa Special Protection of Children Against Child Abuse, Exploitation and Discrimination Act (Anti-Child Abuse Law) (Section 10 (A) sang RA 7610) 5 counts ang ginapangatubang sang nasambit nga akusado.
Ang warrant of arrest ang ginpapanaog kag ginpirmahan ni Hon. Joan Marie B Bargas-Betita, Presiding Judge, Regional Trial Court, Sixth Judicial Region, Branch 14, Roxas City, Capiz nga napetsahan sadtong Pebrero 19, 2025.
Ginrekomendar sang korte ang Php80,000 nga pyansa para sa temporaryo sini nga kahilwayan.
Sa karun, nagapabilin sa karsel sang President Roxas Municipal Police Station ang amo nga akusado para sa nagakaigo nga disposisyon.
