ROXAS CITY – Padayon sa karun nga missing ang isa ka 47-anyos nga mangunguma matapos ginaalegar gin-anod sang tubig-baha samtang nagatabok ini pauli sa ila puluy-an sa Barangay Caidquid, banwa sang Mambusao.
Ginkilala ang biktima kay Alexander Dalida Andrade, residente sang nasambitan nga barangay.
Sandig sa impormasyon nga nakuha sang Bombo Radyo sa Mambusao Municipal Police Station, nga magapauli na kuntani ang nasambit nga biktima nagikan sa ilimnanan kag ini ang yara sa impluwesya sang makahulubog nga ilimnon, apang sang ini ang nagtabok sa tubig-baha pinaagi sa paglangoy aksidente ini nga gin-anod sang mabaskog nga current sang tubig.
Mahibaluan nga nagpatigayon sang search and rescue ang mga awtoridad sa nasambit nga biktima.
Apang, bangud sa delikado nga panahon, temporaryo ini nga gin-untat kag natalana nga padayunon ang operasyon kun mag-untat na ang manunog nga pag-ulan.
