-- ADVERTISEMENT --
ROXAS CITY – Obra sang Capiznon Artist ang 5 ka mga higante nga rebulto sang Datu sa Malandog, Antique.
Ginkilala ang persona sa likod sang obra kay John Alaban kag tumandok sang probinsya sang Capiz.
Ginpakigbahin ni JC Cadiao Perlas sa iya nga social media account nga kada isa sang rebulto ang mahuman sa sulod sang 3-4 ka semana nga mano-mano kag doble ang kataason sang Leyte McArthur Monument.
Mahibaluan nga isa si Alaban sa nagdesinyo sang Sacred Heart of Jesus, isa ka pinakamataas nga monumento sa Pilipinas nga makit-an sa Barangay Dinginan syudad sang Roxas.
