ROXAS CITY – Nagapabilin sa kustodiya sang Pilar Fishing Port kag Bantay Dagat sa amo nga banwa ang mga nadakpan nga mga fishing parapahernalias matapos nga naaktuhan nga nagapatigayon sang iligal nga pagpangisda sa kalalawran nga sakop sang Pilar, Capiz.
Nadakpan nga nagapatigayon sang iligal nga pagpangisda amo sanday Ryan Francisco, 31-anyos; Rannel Rosco, 26-anyos; Johnny Abaldonado, 23-anyos; Christian Besona, 16-anyos; William Vergara, 25-anyos, Johnny Bordo 32-anyos kag duha ka mga menor de edad nga lunsay mga residente sang nasambit nga banwa.
Narekober sa posisyon sang mga nadakpan amo ang mga pump boats nga nagapatigayon sang iligal nga pagpangisda.
Ang nasambit nga mga persona magapangatubang sa panumbungon nga paglapas sa Municipal Ordinance no.1, series of 1999.
