55-anyos nga ginang nagparekord sa pulisya matapos nga ginaalegar ginharass kag ginpahog sang sanduko sang kaugalingon nga amay

ROXAS CITY – Nagparekord ang isa ka 55-anyos nga ginang matapos nga ginaalegar ginharass kag ginpahog sang sanduko sang iya kaugalingon nga amay sa Inzo Arnaldo, Barangay Inzo, Roxas City.

Ginkilala ang tagreklamo nga si Marigor Golez sang Barangay Sibaguan sining siyudad.

Sandig sa ginpabalhag sang tagreklamo nga samtang magabukas na ini sang iya nga shop hinali na lamang ini nga ginpunggan sang iya amay nga si Paulino Asibron Sr., sa diin nag-angkon sang pagbinaisay sa tunga nila nga duha.

Ginaalegar sang tagreklamo nga nagkuha pa sang sanduko ang iya amay kag ginpahog ini nga lab-on.

Bangud diri, ginpakamaayo na lamang sang ginang nga iparekord sa pulisya ang insidente.