56-anyos nga persona nagparekord sa pulisya matapos nga ginaalegar nadula ang kita nga kuwarta sang isa ka lotto outlet

ROXAS CITY – Nagparekord sa pulisya ang isa ka 56-anyos nga persona matapos nga ginaalegar nadula ang kwarta nga kita sang isa ka lotto outlet sa Barangay Banica, Roxas City.

Ginkilala ang tagreklamo nga si Guillermo Diaz sang Barangay Punta Tabuc sining siyudad.

Sandig sa ginpabalhag ni Diaz nga nadula ang kapin sa P27,000 nga kita sang amo nga lotto outlet kun sa diin ginsulod niya lamang ini sa isa ka sling bag.

Ginapahayag ang nasambit nga kantidad sang kwarta ang kabug-osan nga kita sang Marso 7 tubtob 8.

Bangud diri, ginpakamaayo na lamang sini nga iparekord sa pulisya ang insidente.