ROXAS CITY – Kabug-usan nga 57 tanan ka mga repatriated Overseas Filipino Workers (OFW’s) ang nag-alabutan sa probinsiya sang Capiz.
Ini ang ginkompirmar ni Capiz Provincial Disaster Risk Reduction and Management Office (PDRRMO) Head Judy Grace Pelaez sang mainterview sang Bombo Radyo.
Duha ka mga batches ang nag-abot sa probinsiya kun sa diin sakay sa duha ka mga buses ang 27 tanan ka repatriates nga una nga nag-abot kag 30 ka mga repatriates naman sa second batch.
Sa 1st batch, 1 diri ang taga-President Roxas; 1 sa Jamindan; 4 sa Dao; 2 sa Cuartero; 1 sa Maayon; 4 sa Mambusao; 1 sa Tapaz; 2 sa Dumarao; 9 sa Roxas City kag 2 sa Sigma.
Samtang sa 2nd batch, 13 diri ang sa Roxas City; 2 sa Tapaz; 1 sa Ivisan, 1 sa Panitan; 3 sa Mambusao; 1 sa Dumalag; 3 sa President Roxas; 1 sa Dao; 1 sa Dumarao; 1 sa Pilar; 1 sa Sigma; 1 sa Panay kag 1 sa Jamindan.
Ang nasambit nga mga repatriated OFW’s ang magatenir sa designated quarantine facilities sang tagsa ka mga local government units (LGU’s) para sa ila nga 14-day quarantine period.
Kapareho sa iban nga mga repatriates nga una na nakapauli sa probinsiya, pagakuhaan man ang mga ini sang swab specimen agud ipaidalom sa real-time polymerase chain reaction (RT-PCR) test.
Mahibaluan nga ang pagpauli sang nasambit nga mga OFW’s ang kabahin sang repatriation program sang gobyerno-nasyunal matapos nga nagdamo ang stranded OFW’s sa Metro Manila bangud sang lockdown tuga sang coronavirus disease (COVID-19) pandemic.
