ROXAS CITY – Patay ang 60-anyos nga mister matapos nalumos sa kadagatan sang Barangay Manapao, Pontevedra alas 11:35 kagab-i.
Ginkilala ang biktima kay Eduardo Romero, isa ka mangingisda kag residente man sang amo nga lugar.
Sa nakuha nga impormasyon sang Bombo Radyo Roxas sa Pontevedra PNP, hubog sang nagpauli ang biktima kag ginaalegar nadalin-as sa kantil kag nahulog sa “tinagong dagat.”
Natingala na lamang ang utod nga babaye sini bangud wala sa gihapon nakapauli ang biktima rason nga ila ini ginpangita tubtob nakaabot sila sa kilid sang nasambit nga dagat kag nakita nila ang danas nga posible gin-agyan sang biktima.
Sa ila pagtsekyar, nagalugdang na ang lawas sang amo nga mister.
Iga-paidalom pa sa post mortem examination ang bangkay sini samtang nagapadayon ang imbestigasyon.
