-- ADVERTISEMENT --
ROXAS CITY – Dead on Arrival ang isa ka 62 anyos nga caretaker matapos nga ginaalegar nakuryente-patay sa Barangay Tabuc, Pontevedra, Capiz
Ginkilala ang biktima nga si Elviro Villanueva sang nasambit nga lugar.
Sandig sa inisyal nga imbestigasyon sang Pontevedra Municipal Police Station, nagakay-o sang bombilya sang suga ang biktima kag ginapatihan nga posible aksidente nga nauyatan sini ang live wire sang kuryente rason nga ini ang nakuryente.
Nasapwan na lamang ang biktima nga nagakulob na kag gintinghuan pa nga madala sa Bailan District Hospital apang gindeklarar naman nga dead on arrival sang attending physician.
