PILAR, CAPIZ – Patay ang isa ka Person With Disability (PWD) sa pagkasunog sang isa ka balay sa Sitio Guintunuran Bang-ogay, Barangay Natividad, Pilar, Capiz.
Ang nasambit nga biktima ang naga-edad sang 7 ka tuig kag ginapahayag nga may yara sang ‘polio’.
Suno kay Police Captain Alfred De Leon, hepe sang Pilar Municipal Police Station, base sa ila inisyal nga impormasyon, posible nga ‘faulty wire’ ang rason sang pagkasunog sang amo nga balay.
Sa dugang nga pagpanalawsaw sang Bombo Radyo, nahibaluan nga ginbilin ang amo nga bata sang iya ginikanan san iya nga lolo sa pihak nga balay bangud nagapanglabada ang iloy sini kag naga-biyahe naman sang trisikad ang iya amay.
Apang ginapahayag nga ginbilin man sang lolo ang iya apo bangud may ginlaktan ini.
Madasig nga naglapta ang kalayo nga nagtupok sa bilog nga balay bangud human ini sa light materials.
