ROXAS CITY – Pito ka mga local bands kag napulo ka mga dance groups ang magapaindis-indis sa Handog ng Bombo Radyo at Star FM Battle of the Bands and Dance Showdown Competition nga patigayunon sa Capiz State University Main Campus Covered Gym karon sa hapon.
Magapakita sang ila kinaadman kag talento sa Battle of the Bands ang pito ka mga grupo nga ginalakipan sang Back at One, Cytoplasm, Simple Jammers, Albanda, Tobacco Bi Pipe, Cazhikami kag Calixas.
Hugot naman nga preparasyon ang ginahimo sang mga partisipante sa Dance Showdown nga ginalakipan sang One Crew, One Crew Jr., Roxas Pride Crew, Ground Zero, Capiz Attraction, Caprox Collection, SNTD Crew, Junior Effects, PRF Kids Iloilo, kag King of Motion para sa ila ipakita nga mga moves sa dance floor.
Nagahulat sa magadaog ang dalagkuan nga mga premyo apang indi naman magpauli nga masubo ang wala ginswerte nga partisipante bangud magabaton sila sang consolation prizes.
Ini na ang ika-siyam nga tuig nga ginahiwat ang Handog ng Bombo Radyo at Star FM” nga nagatuyo makadiskubre sang mga lokal nga talento.
Ang nasambit nga kompetisyon ang tuigan nga ginapatigayon sang Bombo Radyo kag Star FM bilang kabahin sang selebrasyon sang charter anniversary sang probinsiya sang Capiz nga Capiztahan.
