Patay ang 71-anyos nga lalaki pagkatapos sumbagon sa Sitio Moto, Barangay Cogon,Panitan, Capiz.
Ginkilala ang biktima nga si alyas Wen, isa ka retirado nga seaman kag residente sang Inzo Arnaldo, Roxas City samtang ang suspek amo si alyas steen, 41 anyos kag pumuluyo sang San Roque Street, Roxas City.
Suno sa inisyal nga imbestigasyon sang kapulisan, may natabo nga pagbinaisay sa tunga suspek kag sa asawa sini rason nga nagpatunga ang biktima agud untaton tani ang away apang ginpahayag nga ginsumbag siya sang suspek.
Gintambagan ini sang mga pumuluyo sa lugar bangud natumba ang biktima kag gilayon nga gindala sa Bailan District Hospital apang gindeklara nga dead on arrival sang attending physician.
Nagpalagyo ang suspek padulong sa wala mabal-an nga direksyon pagkatapos ang insidente.
Yara na sa isa ka punerarya ang bangkay sang biktima.
Padayon nga ginahimo sang Panitan Municipal Police Station ang hot pursuit operation kag nagkoordinasyon man sa Roxas City Component Police Station agud madakpan ang suspek.
