ROXAS CITY – Wala na sang kabuhi sang nasapwan ang 72 anyos nga mangingisda sa Sitio Bangcugay, Barangay Natividad, Pilar subong nga aga.
Ginkilala ang biktima kay Francisco Tolentino Salvador, residente sang nasambit nga lugar.
Sandig sa nakuha nga impormasyon sang Bombo Radyo Roxas sa Pilar MPS, nag panawag sa ila estasyon si barangay kagawad Arman Bacatano nga may nasapwan nga naga kulob kag wala na naga-ginhawa nga lawas sang biktima.
Sa inisyal nga imbestigasyon ni Pcpl. Jaypee Tomugda, may history sang highblood ang biktima kag posible suno diri gin-natake samtang nagapanglakaton sa baybayon agud magpangisda.
Dugang sini nga wala sang pilas nga nakita sa lawas sang biktima kag gina-uyatan pa sini ang iya lambat sa ‘patuloy’ kag sigarilyo sang nasapwan sang mga residente.
Igapaidalom pa sa Post-mortem examination ang bangkay sang biktima samtang nagapadayon ang imbestigasyon sang mga kapulisan.
