85-anyos nga lalaki, ginapanawagan sang iya himata nga ‘missing’ sumugod kagab-i sang Martes

ROXAS CITY – Padayon nga ginapangita sang iya himata kag sang katapo sang Municipal Disaster Risk reduction and Management Office (MDRRMO) sang Maayon ang 85-anyos nga lalaki, nga ginpahayag posible nadanlog kag naanod sa suba sang Barangay Tuburan, sa nasambit nga banwa.

Sandig sa Facebook post ni Henry Pama, bata sang senior citizen kag ginapangita sa karon nga si Lodovico Pama, mga alas-3 ukon alas-4 sang hapon sang nadula ang iya amay.

Sa pahayag man sang MDRRMO-Maayon, nagapadayon ang ila sa karon nag search and rescue operation sa nasambit nga suba.