Dakop ang 9 tanan ka mga tripulante matapos nagpatigayon sang illegal nga pagpangisda sa kalalawran nga sakop sa banwa sang Panay.
Suno kay PCPT. Ronald Ton-ogan, Hepe sang Panay, ang mga wala na ginpanghingadlan nga mga tripulante ang lunsay residente sang Barangay Casanayan, banwa sang Pilar.
Dugang pa sini, ginapahayag nga nadakpan ang mga tripulante nga nagapatigayon sang pagpangisda nga ginatawag “Trawl” nga wala sang may nagakaigo nga dokumento.
Mahibaluan nga nakumpiskar naman sang otoridad sa mga tripulante ang 3 ka mga pump boat; 4 ka makina; mga lambat nga kompleto sang accessories kag kapin 40 kilos nga nanari-sari nga isda.
Sa karon, yara na sa paghinakop sang MENRO-LGU Panay ang mga tripulante kalakip ang mga kagamitan kag mga isda para sa nagakaigo nga disposisyon.
