Gin-abswelto sang Korte Suprema si anay First Lady Imelda Marcos sa isa ka kaso nga graft may kaangtanan sa iya gin-alegar financial interest sa pito ka foundations sa Switzerland.
Ginbaliskad sang SC First Division ang 2018 conviction sang Sandiganbayan nga nagsentensya kay Marcos sang pito tubtub onse ka tuig nga pagkapreso sa tagsa ka pito ka counts of graft.
Suno sa kaso, ginapahayag nga may financial interes si Marcos kag nangin kabahin sang pagdumala sang pila ka non-governmental organizations sa Switzerland humalin 1978 tubtub 1984 samtang nag-uyat ini sang pila ka mga posisyon sa gobyerno.
Apang, ang Korte Suprema nagsiling nga ang mga ebidensya nga ginpresentar sang prosekusyon indi makabig nga bastante kag masaligan, lakip ang mga dokumento sang Switzerland nga ginaalegar nga wala napamatud-an sang nagakaigo.
Ginpamatud-an man sang S nga ang pagbukas lamang sang isa ka bank account, pagbalhin sang mga pundo kag ang pag-angkon sang kita gikan sa pamuhunan wala nagakahulugan nga ang mga pundasyon nagapatigayon sang negosyo nga ginasakop sang Anti-Graft and Corrupt Practices Act.
