-- ADVERTISEMENT --
Padayon ang adlaw-adlaw nga pagpanglimpyo ang mga street sweeper sang Teodoro Arcenas Trade Center(TATC) sa Roxas City agud masiguro nga matinlo kag organisado ang mga karsada sa syudad.
Sa interview sang Bombo Radyo kay Aileen Cabading, isa street sweeper, iya ginpahayag nga kabahin sang ila adlaw-adlaw nga obra ang pagpanghakot sang mga basura kag pagpaninlo sa mga dalan sa ila nga designated area.
Suno kay Cabading, importante nga mapabilin nga matinlo ang palibot agud malikawan ang pagdamo sang basura nga mahimo magbara sa mga kanal kag magresulta sa pagbaha.
Gani, nagapanawagan ini sa publiko nga magbuligay sa pagmintinar sang kahinlo paagi sa husto nga paghaboy sang basura kag indi pagpataka sang paghaboy sini sa mga karsada.











