Abogada nga anay election officer, ginsuspende sang Korte Suprema matapos magnotaryo nga wala sang lisensiya

ROXAS CITY — Ginsuspende sang Korte Suprema sa sulod sang duha ka tuig  bilang abogada ang isa ka anay election supervisor sa Capiz matapos nga magnotaryo sang isa ka Deed of Sale apisar nga indi ini  notary public 24 ka tuig na ang nakaligad.

Ba-se sa desisyon sang Korte Suprema nga ginsulat ni Associate Justice Diosdado Peralta, permanente naman nga indi na maka-notaryo ang abogada nga si Atty. Nelly Abao nga nagserbe man sato bilang city election supervisor sa Roxas City kag provincial election supervisor sa Capiz.

Ginpasaka ang kaso batuk kay Abao sang nagligad nga 2016 sang mag-asawa nga Pepito kag Prescila Frias.

Napamatud-an nga naglapas si Abao sa Lawyer’s Oath kag Canons 1 at 7 sang Code of Professional Responsibility ukon CPR.