ROXAS CITY – Ginkalipay sang mga residente sa Sitio Hopevale, Barangay Aglinab at Barangay Katipunan, Tapaz, Capiz ang pagbisita sang action star nga si Cesar Montano sa ila nga lugar nga isa sa napili sini nga mangin location sang iya pagahimuon nga pelikula nga ipasundayag sa Amerika.
Napilian ang nasambit nga lugar bangud sa historic event nga natabo diri sadtong World War II kun sa diin ginhalad sang 12 ka mga Hopevale martyrs ang ila kabuhi agud maangkon ang kahilwayan gikan sa mga Hapon.
Mangin kabahin man ang amo nga istorya sang pelikula nga himuon sang aktor.
Kadungan sang pagbisita sang aktor sa lugar ang pagdul-ong sang relief goods sang Convention of the Philippines Baptist kag Brotherhood of Capiz Riders nga ginapamunuan ni Pastor Russel Ban sa mga residente nga naapektuhan sang bagyong Ursula.
Naghatag man sang mensahe ang aktor para sa mga residente nga nahalitan sang bagyo nga Ursula sa probinsiya.
