Gin-athag sang aktres nga si Kylie Padilla ang isa ka viral nga pahayag angot sa posibilidad nga magpadalagan bilang Vice President ang iya amay nga si Sen. Robin Padilla sa 2028 Elections.
Suno kay Kylie, indi niya tuyo nga insultuhon ang iya amay kag ang iya joke wala lang mahangpan sang mga netizens.
Dugang pa sang aktres, ang iya ginsiling nga “Mahalin na ini sa Pilipinas” nagakahulugan lamang nga luyag niya nga magpangabuhi sang malinong kag pribado nga kabuhi, kag indi ini parte sa pagpakamalaot sa iya amay.
Pahayag pa sini nga lubos ang iya pagsalig kag mga ginahimo sang iya amay para sa pungsod.
Ginhimo ni Kylie ang paathag matapos makabaton sang kritisismo gikan sa pila ka mga netizens nga naghatag sang negatibo nga interpretasyon sa iya pahayag sa isa ka interview.
Ginhatagan pagtamod sang aktres nga may kinamatarong siya nga magpili sang malinong kag matawhay nga pangabuhi kag separado sa pulitika.
Ang nasambit nga isyu kasunod sang pahayag ni Robin Padilla sang Pebrero 20 nga bukas siya sa posibilidad nga magpadalagan bilang Vice President kag mangin running mate ni Vice President Sara Duterte kun hingyoon ini ni Former Presidente Rodrigo Duterte.
