Ginpakigbahin sang actress nga si Elijah Alejo ang kahadlok nga naeksperyensiyahan sini matapos nga siya ang maholdap.
Sa social media account ni Elijah, ginpakigbahin sini ang insidente samtang pasulod siya sa buluthuan.
Sa panaysayon sang 20-anyos nga actress nga padulong na kuntani ini sa Manila Central University sa Caloocan City para sa ila nga tree planting activity.
Ginpapanaog siya sang iya nga ginsakyan nga motortaxi sa indi kalayuan sang ila nga eskwelahan rason nga naglakat nalang ini.
Samtang nagalakat, ginpalapitan siya sang isa ka lalaki kag ginhutikan nga ihatag ang iya nga kahita.
Nadismaya man ini bangud wala sang anuman nga nakabutang nga CCTV nga nakapalibot sa nasambit nga lugar.
Nagpasalamat naman ini bangud wala sang malain nga natabo sa iya.
Ginpanugyanan na lamang sang actress ang mga fans sini nga mag-doble halong agud indi magpareho sa iya naeksperyensyahan.
