ROXAS CITY – Nagpiket sa atubang sang talatapan sang Department of Environment and Natural Resources (DENR-Manila) ang mga agrarian beneficiaries gikan sa Sicogon Islands sa Carles, Iloilo matapos ginapamatukan ang nangin kasugtanan sang Sicogon Development Corporation (SIDECO) kag Ayala Land Incorporated (ALI).
Suno kay Mr. Raul Ramos, presidente sang Federation of Sicogon Farmers and Fisheries Association (FESIFFA) nga nagahinyo sila sang bulig sa gobyerno nga maprotektahan ang ila kinamatarung sa duta kag palangabuy-anan bangud sa convertion order sang SIDECO.
Nag-isyu sang cease and desist order si Agrarian Reform Secretary John Castriciones sang DAR sadtong Marso 6, 2019 batuk sa tag-iya sang SIDECO kag property developer nga AYALA Land Incorporated ukon ALI.
Nahibaluan nga kadam-an sa mga benepisyaryo ang mga biktima sang Super Typhoon Yolanda sang tuig 2013.
