ROXAS CITY – Nagpaathag ang pamunuan sang Metro Roxas Water District (MRWD) angut sa mabaho kag malang-og suplay sang tubig sa probinsiya sang Capiz.
Sa interview sang Bombo Radyo Roxas kay MRWD-Public Information Officer Mark Bernas ginpahayag sini nga ang mabaho nga tubig nga nagaguha sa gripo sang ila mga members-consumers ang bangud sa ‘algal bloom’ sa Panay River nga nagaserbi nga water source sang ahensiya.
Suno kay Bernas, ang indi kinaandan nga baho kag sabor sang tubig nga nagaguha sa mga gripo ang bangud sang ‘algal bloom’ sa Panay River nga nagaserbi nga water source sang ahensiya.
Ang ‘algal bloom’ suno kay Bernas amo ang pagduging sang ‘algae’ ukon lumot bangud sang mabatyagan karon nga tuman ka init nga panahon.
Gintawag man sini nga ‘abnormal’ na sa karon ang lebel sang green pigmentation ukon lumot sa Panay River.
Apang suno kay Bernas, nagapadayon ang ahensiya sa ila mga precautionary measures agud masolusyunan ang amo nga problema kag mapabilin nga ‘potable’ ang ila nga suplay sang tubig.
