Ginmandu ni Senate committee on women, children, family relations and gender equality chairman Senator Sherwin Gatchalian ang pagpaguwa sang subpoena agud obligahan si anay Bamban Mayor Alice Guo nga magpaguwa sang mga records tuhoy sa nadiskubre nga check disbursements nga nagabalor sang P1.1 bilyon halin sa iya nga account.
Dugang pa ni Gatchalian nga indi maathag ni Guo sa check disbursement humalin 2018 tubtob 2024 kun ang nasambit nga balor ang gingamit sa pagpatukod sang Philippine Offshore Gaming Operations (POGO).
Sa nasambit nga hearing, ikapila na nga ginsiling ni Guo nga ang nasambit nga balor ang gingamit sa pagpatukod sang iya nga farm.
Indi man suno diri ginsambit ni Guo kun sa diin naghalin kag nagakadto ang kwarta. Ginsiguro naman sa iya ni Guo nga ihatag sini ang record nga ginapangita sang committee kag indi na niya ini masabtan sa hearing bangud sa nagapangatubang na ini sa kaso sa Anti Money Laundering Committee nga 87 counts sang money laundering.
