Magapangatubang si former Bamban, Tarlac Mayor Alice Guo sa 62 counts nga kaso nga paglapas sa Anti-Money Laundering Act kalakip ang pila pa nga mga kaupdanan sini.
Ini matapos naresolba na sang Department of Justice ang reklamo nga ginpasaka sang Anti-Money Laundering Council, Presidential Anti-Organized Crime Commission, kag National Bureau of Investigation sadtong nakaligad nga tuig.
Ginpakigbahin mismo ni Department of Justice Spokesperson Mico Clavano, ginrekomendar nga ipasaka ang sampaw-sampaw nga kaso batuk sa anay alkalde sang Bamban, Tarlac.
Kun sa diin gintuad man sini ang gintingub nga 26 counts sang money laundering sa idalom sang Section 4(a) kag 5 counts naman sang kapareho nga paglapas sa kaso nga money laundering sang Section 4(b).
Ginpahayag naman sang nasambit nga tagpamaba sang Department of Justice nga naulamid man ang yara sa 30 pa nga kaupdanan ni Alice sa mga pagapsakaan sang kaso nga money laundering.
Kalakip ini sa kaso nga igarekomendar nga ipasaka nga 31 counts sang indi pagtuman sa layi sang Anti-Money Laundering Act sang Section 4(d). Sa kabug-usan, 62 ka bilog ang kaso nga ginlapas ni anay Bamban, Tarlac Mayor Alice Guo ang iya pagaatubangon sa idalom sang layi.
