ROXAS CITY – Ginapangita sang alkalde sang Sigma ang gobernador sang Capiz, bangud indi mabatyagan sang ila banwa ang bulig nagikan sa provincial government, matapos ang pagpanalasa sang bagyong Agaton.
Ini ang ginpahayag ni Mayor Christopher Andaya, sang mainterview sang Bombo Radyo.
Suno diri, wala pa sila sa karon sang balita kun san-o magapanghatag sang bulig ang gobyerno probinsyal sa ila mga residente nga naapektuhan sang kalamidad.
Nahibaluan nga antes paman ginpaidalom sa State of Calamity ang bug-os nga probinsya, nauna nga nagdekarar ang Sigma sang State of Calamity.
Ginabulubanta nga may yara sang 9,000 ka mga affected households ang ila banwa.
Ginpahayag ni Andaya nga may pondo nga P900,000 ang LGU Sigma sa ila nga Calamity fund kag ila ini pagagamiton sa pagbakal sang relief goods, kun sa diin, ang 500K ang igabakal sang bugas samtang ang nabilin nga 400K ang igabakal sang noodles, de lata kag uga.
