Nagapanawagan sang bulig pinansyal ang amay sang anom ka tuig nga bata nga nakuryente-patay sa Barangay Bangon-bangon, Sigma, Capiz.
Sa interview sang Bombo Radyo sa amay sang biktima nga si John, ginpahayag sini nga nagsulod ang iya bata sa kwarto sa balay sang iya lola kay matulog suno diri ini.
Dugang pa sini, may ginahawiran nga yabi ang iya bata nga kun sa diin amo ang ginhimo sini nga hampangan. Nakita sang iya bata ang saksakan, nasulod ang yabi nga ginahampangan sini rason nga nakuryente ini.
Ginsugat pa suno ni John ang iya bata kag nanyaga sila. Ginbilin nya lang man ang biktima kaupod ang manghod sini sa balay sang iya ugangan bangud mapa-check up ini.
Nasapwan nalang ang biktima sang iya lola nga nagakulub, nakahawid ini sa kuryente kag wala na sang kabuhi.
Mahibaluan nga wala na sang kabuhi sang gindala sa ospital ang isa ka grade 1 student matapos makuryente sa Brgy. Bangon-bangon sa nasambit nga banwa.
Sa karon, yara na ang bangkay sang biktima sa isa ka punerarya sa nasambit nga banwa.
Samtang, nagapanawagan naman ini sa mga may bulawanon nga tagipusuon nga luyag magbulig yari ang GCASH number sang pamilya: 0907 067 8419 – JAYSON MENDOZA
