ROXAS CITY – Tuman ang pagpasalamat ni Aldrean Paul Alogon sang Barangay Dayhagon, Sigma, Capiz matapos isa ini sa napilian nga makabaton sang scholarship grant gikan sa prestihiyoso nga Freeman Asian Scholarship sang Wesleyan University.
Isa si Alogon sa 11 ka mapalaron nga nakabaton sang $300, 000 full tuition scholarship sa isa sa premyado nga institusyon sa Estados Unidos.
Mahibaluan nga si Aldrean ang anak sang mangunguma nga si Alner Alogon kag sang nagtaliwan nga elementary school principal nga si Erna Alogon.
Nagtapos sang iya nga elementarya si Aldrean sa Sigma Elementary School sa banwa sang Sigma, Capiz kag sa Philippine Science High School Western Visayas Campus sa siyudad sang Iloilo sang iya nga sekondarya.
Mahibaluan nga makaduha ka beses naman nga ginrepresentar ni Aldrean ang Pilipinas sa International Olympiad on Astronomy and Astrophysics.
