ROXAS CITY – Ginpasakaan na sang kaso ang anay alkalde sang banwa sang President Roxas, Capiz nga naaresto sang mga miyembro sang Provincial Mobile Force Company matapos nga nagpalupok sang iya armas sa Resources Services Livelihood (RSL) Center sa Barangay Cabug-Cabug, sa nasambit nga banwa.
Kaso nga Alarm and Scandal ang ginpasaka pinaagi sa regular filing sa Provincial Prosecutors Office batuk sa anay alkalde nga si Don Ramon Locsin, 73 anyos sang Ilang-Ilang Locsin Street, Barangay 5, Silay City, Negros Occidental.
Mahibaluan nga naka-hospital arrest sa gihapon sa karon ang anay alkalde matapos naglain ang pamatyag sini kasunod sang pag-aresto sa iya.
Sa nakuha nga impormasyon sang Bombo Radyo, ginhimo nga firing range sang anay alkalde ang likod nga porsyon sang amo nga pasilidad.
Padayon naman nga gina-verify sang mga otoridad kun balido ang permit to carry firearm nga ginpakita sang anay alkalde bangud kun indi, posible nga mapasakaan man ini sang panumbungon nga Illegal Possession of Firearm.
